FLASH
Shkruar nga Pamfleti
Granit Xhaka dhe Xerdan Shaqiri po vijnë në Serbi ! Ata do të luajnë kundër Bjellorusisë të shtunën më 25 mars në stadiumin “Karađorđe” në Novi Sad, në kuadër të eliminatoreve për Kampionatin Evropian.
Granit Xhaka dhe Xherdan Shaqiri ishin gjithmonë të prirur për manipulime dhe shaka kur luanin kundër Serbisë. Kështu ndodhi kohët e fundit në Kupën e Botës në Katar dhe pesë vjet më parë në Kupën e Botës në Rusi.
Pastaj të dy i acaruan serbët duke shfaqur shqiponjën shqiptare dhe duke përhapur urrejtje kombëtare. Prandaj është dashur të reagojë edhe UEFA, por edhe Federata e Futbollit e Zvicrës, e cila ia ka ndaluar simbolet shqiptarëve me origjinë nga provinca serbe e Kosovës, të gjestikulojnë çdo mesazh me përmbajtje politike, shkruajnë mediat serbe.
Granit Xhaka dhe Xherdan Shaqiri kanë qenë gjithmonë ata që kanë shkaktuar incidente dhe skandale, skena të pakëndshme në fushë. Ata e kuptuan se nuk kanë asgjë për të kërkuar në një betejë të hapur futbolli, por mund të arrijnë qëllimin përfundimtar vetëm nëse e vendosin futbollin në anën e pasme.
”Në Botërorin e Katarit, Granit Xhaka ka provokuar futbollistët serbë gjatë gjithë 90 minutave të ndeshjes mes Zvicrës dhe Serbisë. Në fund, ai bëri një incident ku u përplas me Nikola Milenkoviç dhe duket se sa të jetë gjallë do ta mbajë mend kapjen e fytit të portierit serb Vanja Milinkoviç-Saviç,” – thekson me krenari e përditshmja serbe “kurir.rs”.
Si kulm i rolit të provokatorit në të cilin u zhyt, Granit Xhaka pati një performancë me fanelën e bashkëlojtarit të tij nga kombëtarja, Ardon Jashari . Në fund të ndeshjes, Xhaka veshi fanelën e tij, duke kthyer shpinën nga kamerat dhe duke treguar mbiemrin Jashari, i cili aludonte për terroristin e UÇK-së Adem Jashari , i cili u eliminua nga policia serbe më 5 mars të vitit 1998 në Donje Prekaz, - vazhdon më tej shkrimi.
Trajneri i Zvicrës, Murat Jakin, së shpejti do të shpallë listën e futbollistëve për ndeshjet kualifikuese të Kampionatit Evropian kundër Bjellorusisë dhe Izraelit. Sigurisht që në të pritet të jenë edhe Granit Xhaka dhe Xherdan Shaqiri, të cilët janë ndër lojtarët më të mirë të skuadrës së tyre.
Për shkak të sanksioneve të UEFA-s, bjellorusët zgjodhën t'i zhvillojnë ndeshjet e tyre në Serbi, në Novi Sad, para tribunave të zbrazëta. Pra, tifozët nuk do të mund të jenë të pranishëm në ndeshje.
Ndeshja ishte e mbyllur për të gjithë publikun me vendim të UEFA-s, ndaj akreditimi nga gazetarët nuk është i mundur. Policia do të jetë rreth stadiumit dhe do të parandalojë çdo grumbullim pranë objektit “Karaxhorxh”.
Zviceranët do të mblidhen të hënën, në qendrën stërvitore të klubit të futbollit Bazel dhe më pas do të kenë një për tifozët dhe mediat. Ndeshja kundër Bjellorusisë është planifikuar për t’u luajtur më 25 mars, ndërsa ardhja në Serbi është planifikuar dy ose një ditë më herët.
Kombëtarja e Bjellorusisë, ndryshe nga skuadra A e Rusisë, mund të luajë ndeshje nën kujdesin e UEFA-s, por jashtë vendit dhe pa tifozë. Bjellorusët do të luajnë në Grupin I në turneun kualifikues për “EURO 2024” me Zvicrën, Izraelin, Rumaninë, Kosovën dhe Andorrën.
Lini një Përgjigje