FLASH
Shkruar nga Pamfleti
U luajtën mbrëmjen e sotme 8 sfidat e vlefshme për grupet e Ligës së Konferencës, ku u prodhuan në total plot 31 gola. Në fushë ishin edhe 2 futbollistët e Kombëtares, Berat Gjimshiti dhe Qazim Laçi, të cilët u aktivizuan titullarë, ndërkohë që skuadrat e tyre arritën të triumfonin.
Në ndeshjen mes Brajtonit dhe AEK-ut, bie ne sy fitorja super e rëndësishme e ekipit grek në një stadium që ështëkthyer tmerr i Premier Ligës. Një sukses 2-3 për miqtë dhe një debutim në Europë për t’u harruar për djemtë e De Zerbit.
Në grupin D, Atalanta fitoi me lehtësi kundër ekipit kampion të Polonisë, Rakou dhe e nisi mirë fushatën e saj në Ligën e Europës veçanërisht duke pasur parasysh udhëtimin në Lisbonë pas dy javësh ndaj Sportingut.
Fitorja e Atalantas u nënshkrua nga De Ketelare dhe Ederson, të dy me kokë pas krosimeve te mbrojtësve, Zapakosta nga e djathta dhe Ruxheri nga e majta.
Fitore të rëndësishme edhe për Frajburgun dhe Rejnxhërsin, teksa dueli i vetëm i mbyllur në barazim ishte ai mes Ajaksit dhe Marsejës.
Në Grupin A, hap fals brenda në shtëpi nga Olimpiakosi që u mund 3-2 nga skuadra gjermane e Frajburgut, ndersa Uest Hemi përmbysi 3-1 ekipin serb Backa Topola që kaloi në avantazh në mënyrë surprizë.
Në grupin C, Renxhërsi mundi Real Betis me vetëm 1 gol, ndërsa Sparta e Pragës mposhti 3-2 Aris Limasol.
Lini një Përgjigje