FLASH
Shkruar nga Pamfleti
Pep Guardiola pritet t’i japë fund aventurës së tij te Mançester Siti pas një dekade në krye të klubit anglez. Trajneri spanjoll do të drejtojë skuadrën edhe në dy ndeshjet e fundit të kampionatit, përpara se të largohet një vit para përfundimit të kontratës së tij.
Sipas raportimeve të mediave të huaja, vendimi i Guardiolës duket se lidhet ngushtë me situatën e tij familjare, konkretisht me divorcin nga bashkëshortja, Kristina Serra. Rinovimi i fundit i kontratës me Sitin thuhet se ka ndikuar në largimin përfundimtar të Serrës drejt Spanjës, duke nisur edhe procedurat e divorcit.
Burime pranë trajnerit bëjnë me dije se Guardiola ka tentuar gjatë muajve të fundit të rikthejë marrëdhënien dhe të ribashkojë familjen. Megjithatë, ai besohet se e konsideron të pamundur këtë nëse vazhdon të jetojë dhe punojë në Angli.
Kjo ka shtuar spekulimet se largimi i tij nga Mançester Siti është motivuar jo vetëm nga arsye profesionale, por edhe personale. Raportimet përforcohen më tej nga lajmi se Guardiola po investon rreth 15 milionë euro për blerjen e një vile pranë banesës së tij në Barcelonë, ku aktualisht jeton bashkëshortja.
Kjo shihet qartësisht si një tentativë e Guardiolës për të ribashkuar familjen, me trajnerin që do t’i kushtojë më shumë kohë asaj dhe besohet se tashmë do të fokusohet vetëm në futbollin e përfaqësueseve, që i jep më shumë mundësi të jetë pranë saj.
Qani hallet e ndonje te humburi e jo te pallavesheve kokeboshe te futbollit qe fitojne me thase e i terbon paraja. E kujt i rruhet per kete ky lajm? Asnje njeriu me dy pare mend qe sheh punet e veta.