FLASH
Shkruar nga Pamfleti
Kush shqiptar nuk e mban mend datën 14 tetor 2014. Sot 9-vite më parë Shqipëria zhvilloi një nga ndeshjet më dramatike në historinë e saj, e cila as nuk përfundoi. Bëhet fjalë për duelin me Serbinë në Beograd.
Në minutat e fundit të pjesës së parë tifozët serbë filluan të hidhnin flakadanë në fushë dhe arbitri u detyrua të ndërpriste sfidën. Një sjellje e paprecedentë nga ana e serbëve.
Në atë moment futbollistët serbë ndërhynë duke e kapur flamurin, por futbollistët e Kombëtares Andi Lila dhe Taulant Xhaka morën flamurin për ta mbrojtur nga serbët. Më pas hynë edhe tifozët në fushë dhe së bashku me futbollistët dhunuan lojtarët e Kombëtares dhe stafin.
View this post on Instagram
Protagonist në atë sfidë padyshim ishte edhe Ismail Morina, i njohur si Ballist Morina që ngriti dronin me flamurin e hartës së Shqipërisë etnike me portretet e Ismail Qemalit dhe Isa Boletinit.
Flamur i cili tërboi serbët, të cilët mësynë në fushën e lojës për të sulmuar lojtarët shqiptarë, por mësimin e morën më vonë, teksa gjykata e CAS i dënoi me fitoren 0-3 në tavolinë të Kombëtares kuqezi.
‘Ballist’ Morina ishte autori i kësaj ngjarje historike duke bërë që emri i tij të mbetet i paharruar në historinë shqiptare. Ballisti u rikthye mbrëmjen e 12 Tetorit në tribunat e stadiumit në ndeshjen e Shqiprisë përballë Çekisë, ku yjet kuqezi shpartalluan 3-0 rivalët çekë, duke kapur me të dy duart kualifikimin në “EURO 2024”.
Në një datë historike si kjo e sotmja, nuk mund të mungonte një postim nga vetë ai ku uron të gjithë shqiptarët, “Gëzuar ditën autoktone”.
View this post on Instagram
Lini një Përgjigje