FLASH
Shkruar nga Pamfleti
Paraqitjet e Arda Kurtulan me Göztepe janë vlerësuar pozitivisht gjatë këtij sezoni, i cili është i pari për 23-vjeçarin me klubin turk. Futbollisti me origjinë shqiptare ka spikatur për kontributin e tij në disa role në fushë, duke u konsideruar si një lojtar polivalent, i aftë të aktivizohet nga mbrojtja deri në repartin ofensiv.
Megjithëse emri i tij është përfolur për një transferim të mundshëm gjatë merkatos së verës, drejtuesit e Göztepe nuk duket se kanë ndërmend të nxitojnë për një shitje. Kontrata e Kurtulan me klubin është e vlefshme deri në vitin 2029, çka i jep skuadrës një pozicion të favorshëm në negociata.
Sipas raportimeve, Göztepe kërkon rreth 15 milionë euro për të lënë të lirë futbollistin, një shifër që reflekton rëndësinë e tij në skuadër dhe potencialin që ai paraqet.
Ndërkohë, për Kurtulan është raportuar se mund të ketë interes nga klube të njohura turke si Fenerbahçe dhe Gallatasaraji. Deri tani nuk ka konfirmime zyrtare për oferta konkrete.
Paralelisht, në media është përmendur edhe mundësia që 23-vjeçari të ndryshojë përfaqësuese, duke zgjedhur Turqinë, vendin ku ka lindur. Megjithatë, nuk ka deklarata zyrtare nga vetë lojtari apo federatat përkatëse lidhur me këtë çështje.
Në mungesë të konfirmimeve zyrtare, mbetet për t’u parë nëse vera do të sjellë një transferim të bujshëm për Arda Kurtulan, apo nëse ai do të vazhdojë të jetë pjesë e projektit afatgjatë të Göztepe.
Lini një Përgjigje