FLASH
Shkruar nga Pamfleti
Krishtlindja është sinonim i gëzimit dhe festës për shumë njerëz, por për të tjerë ajo mbetet një ditë reflektimi, dhimbjeje dhe kujtimi për ata që nuk janë më. Pikërisht më 25 dhjetor, dy vite më parë, aktorja Anna Lika humbi nënën e saj, Ildën, një plagë që vijon të mbetet e hapur.
Në këtë përvjetor të dhimbshëm, Anna ka ndarë me ndjekësit e saj në rrjetet sociale një postim prekës, ku ka publikuar një video me fragmente nga bisedat e tyre lidhur me sëmundjen, të ndërthurura me momente të bukura dhe plot jetë që nënë e bijë kanë ndarë së bashku.
Aktorja shprehet se mendja e saj është gjithmonë te nëna dhe se çdo hap apo vendim që merr në jetë shoqërohet me një pyetje të brendshme: nëse ajo do të ishte krenare. Ajo rrëfen se mungesa e saj është e pazëvendësueshme dhe se boshllëku që ka lënë ndihet në çdo aspekt të jetës së përditshme.
Në mesazhin e saj emocional, Anna shkruan se ajo telefonatë e marrë dy vite më parë është diçka që do të donte të mos e kishte marrë kurrë, ndërsa përshkruan heshtjen dhe dhimbjen që e shoqëruan gjatë asaj dite që për të tjerët ishte festë.
“E bukura ime iku dhe një vit tjetër pa ty”, shkruan ajo, duke shtuar se nuk beson se ndonjë gjë mund ta mbushë boshllëkun që nëna ka lënë pas. Ajo tregon se në çdo mendim i shfaqet figura e saj dhe se përgjigjen e vetme për të cilën është gjithmonë e sigurt është se nëna do ta ndihmonte pa asnjë hezitim.
Postimi mbyllet me disa nga fjalët më prekëse:
“Më mungon një përqafim i joti. Më mungon era jote. Më mungon ti…”, duke e quajtur veten, si dikur, “miza jote e vogël”.
Mesazhi i Anna Likës ka prekur zemrat e ndjekësve, të cilët i kanë shprehur mbështetje dhe ngushëllime, duke e kthyer këtë Krishtlindje në një kujtim të ndarë mes dhimbjes dhe dashurisë së përjetshme për nënën.
View this post on Instagram
Lini një Përgjigje