FLASH
Shkruar nga Pamfleti
Gigliola Haveriku ka ndarë më shumë detaje nga jeta e saj jashtë muzikës.
E ftuar në emisionin “Vizioni i Pasdites”, Gigiola tregoi njohjen me partnerin, që e cilëson si dashuri me shikim të parë.
Ajo tha se janë njohur në festën e një mikeshe të përbashkët, si dhe pas 7 muajsh ata morën vesh lajmin që do të bëheshin prindër.
Më tej, këngëtarja tregoi emocionet e para dhe udhëtimet që ka bërë me vajzën e saj, Izabel.
U njohëm në një festë tek shtëpia e një shoqes sime, e cila na prezantoi, ose më saktë u prezantuam se ishim aty. Ishte dashuri me shikim të parë, ose me të folur. Më pas erdhi në jetë dhe fëmija. Ndodhi papritmas dhe jo papritmas. I tregova testin e shtatzënisë dhe ai më tha 'ça është kjo?!'. I thashë do bëhemi prindër. Ne kishim vetëm 7 muaj bashkë. Ndihemi shumë të bekuar, shumë të lumtur. Izabel ka udhëtuar që 2 muajshe në Itali. I ka bërë disa udhëtime, e kam marrë në disa koncerte.
Sa i përket karrierës, ajo rrëfeu se shumë shpejt do të vijë me një projekt mjaft të bukur muzikor.
Lini një Përgjigje