FLASH
Shkruar nga Pamfleti
Presidentja e Kosovës, Vjosa Osmani, është takuar ditën e sotme me këshilltarin për Siguri Kombëtare të presidentit amerikan, Jake Sullivan, dhe me drejtorin e Lartë për Evropë në Këshillin për Siguri, Michael Carpenter.
Me anë të një postimi në rrjetin social “Facebook”, ajo tha se kanë diskutuar mbi rolin e SHBA-së për paqen dhe siguri si dhe për rëndësinë e bashkëpunimit mes dy vendeve.
“Një takim i rëndësishëm me Këshilltarin për Siguri Kombëtare të Presidentit Biden, z. Jake Sullivan, dhe Ambasadorin Michael Carpenter- Drejtor i Lartë për Evropë në Këshillin për Siguri të Shtëpisë së Bardhë, mbi rolin jetik të Shteteve të Bashkuara për paqe dhe siguri të qëndrueshme si dhe për rëndësinë e rritjes së bashkëpunimit tonë”, është shprehur Osmani të dielën.
Osmani është takuar së fundmi edhe me zëvendëspresidenten e SHBA-së, Kamala Harris dhe me liderë të tjerë në kuadër të Samitit për Ukrainën që u mbajt në Zvicër.
Lini një Përgjigje