FLASH
Shkruar nga Pamfleti
Ambasadori i Gjermanisë në Kosovë, Jorn Rohde, ka kundërshtuar deklaratën e një dite më parë të kreut të misionit diplomatik amerikan në Beograd, Christopher Hill, i cili u shpreh se anëtarësimi i Serbisë në BE nuk duhet kushtëzuar me njohjen e pavarësisë së Kosovës.
Me anë të një postimi në platformën “X”, Rohde e theksoi se normalizimi i marrëdhënieve mes Kosovës dhe Serbisë përfshin njohjen reciproke.
Rohde shpërndau gjithashtu edhe lajmin me deklaratën e kancelarit Scholz, gjatë vizitës së tij në Kosovë, ku nënvizonte se është e paimagjinueshme që dy vende të cilat nuk e njohin njëra-tjetrën të bëhen anëtare të BE-së.
“Thjesht për rikujtesë: Lexojeni deklaratën e qartë të kancelarit gjerman Scholz gjatë vizitës në Kosovë dhe Serbi në qershor të vitit 2022 për normalizimin, që përfshin njohjen reciproke. Kjo qëndron ende: Rruga është aty. Zbatim i plotë i marrëveshjes së Brukselit dhe asaj të Ohrit nga të dyja palët sa më parë”, tha Rohde në X.
Hill u shpreh më herët se ajo që europianët kërkojnë është normalizimi dhe se kjo është çështja e vërtetë sipas tij, të arrihet normalizimi atje ku kufijtë nuk do të jenë kufij që ndajnë, por kufij që bashkojnë, ishte mesazhi i tij.
Lini një Përgjigje