FLASH
Shkruar nga Pamfleti
I dërguari i Bashkimit Evropian për dialogun ndërmjet Kosovës dhe Serbisë, Miroslav Lajçak ka bërë të ditur se do të udhëtojë për në Shtetet e Bashkuara të Amerikës për të diskutuar për zhvillimet dhe tensionet në veri të Kosovës.
Pas takimit me Zëvendës Sekretarin e Përgjithshëm të NATO-s, Mircea Geoana, Lajçak bën të ditur se kanë rënë dakord për hapa të menjëhershëm për shtensionimin e situatës ndërmjet Kosovës dhe Serbisë.
Me anë të një postimi në rrjetin social “Facebook”, Lajçak tha se zgjidhja për situatën në veri do të vijë nga Uashingtoni, duke lënë të kuptohet se presionet e BE-së nuk po bëjnë efekt te palët.
Kujtojmë se BE prej ditësh ju ka vendosur disa kushte palëve për uljen e tensioneve në veri, por tre javë që nga rinisja e tyre asnjëra palë nuk është tërhequr. Kjo mesa duket ka bërë BE që të “dorëzohet” lidhur me këtë çështje dhe të kërkojë një zgjidhje nga zyrat e Uashingtonit. Vlen të theksohet se duke pasur parasysh sjelljen e dy vendeve me Perëndimin, zgjidhja nga SHBA mund të jetë e hidhur për të dyja palët.
“Përshëndetje nga edicioni i sivjetshëm i Dialogut të Forumit të Prespës në????????Maqedonia e Veriut. Pavarësisht motit me shi, dita ishte e mbushur me diskutime tërheqëse së bashku me partnerë, kolegë dhe miq të çmuar, duke e bërë atë një përvojë shpërblyese. Natyrisht, zhvillimet e fundit në rajon, në veçanti tensionet e larta ndërmjet Kosovës dhe Serbisë dhe situata në veri të Kosovës, ishin në radarin e të gjithëve.
Në fillim të kësaj jave, i informova kolegët e mi në Bruksel për vizitën time të fundit të përbashkët në rajon, situatën aktuale dhe rrugën përpara. Gjatë vizitës sime në selinë e NATO-s, u takova edhe me Zëvendës Sekretarin e Përgjithshëm të NATO-s Mircea Geoana për të diskutuar situatën në veri të Kosovës. Të dy ramë dakord se duhet të ndërmerren hapa të menjëhershëm për de-përshkallëzimin. Më tej e theksova këtë pikë teksa iu drejtova ambasadorëve të NATO-s dhe BE-së.
Do të shkoj në Uashington DC pas ftesës së partnerëve të mi amerikanë. Ne do të kemi diskutime intensive për rrugën përpara dhe hapat e ardhshëm të menjëhershëm., shkruan Lajçak.
Lini një Përgjigje