FLASH
Shkruar nga Pamfleti
Kurti i bindur në formimin e qeverisë...
Kreu i LVV Albin Kurti, ka mbajtur një konferencë për media pas përfundimit të zgjedhjeve.
Në fjalën e tij, Kurti tha se procesi zgjedhor ishte i lirë, demokratik dhe i ndershëm, duke e cilësuar rezultatin si një konfirmim për qeverisjen e tij.
Ai deklaroi se Vetëvendosje do të ofrojmë qeverinë me aleatët e saj, duke sinjalizuar se nuk do të bëjë koalicion me 3 partitë e tjera opozitare.
Kurti theksoi se do të vazhdojnë me punët e nisura, duke shtuar se qytetarët kanë treguar se janë kundër oligarkëve.
"Pra jemi të parët dhe ky është një konfirmim për qeverisjen tonë të mirë të mbarë demokratike dhe progresiste. Gjithashtu, koalicioni ynë fitues do ta formojë qeverinë e re Kurti 3. Do vazhdojmë dhe punët që kemi nisur por edhe shumë të tjera. Qytetarë e Kosovës e kanë dëshmuar suksesshëm rezistencën kundër një lufte të paparë hibride, oligarkë sidomos njëri me para pa hesap ka kërcënuar punëtorët. Ka pasur premtimet më absurde të mundshme këtë fushatë. Populli fitoi, fitoi VV, ne jemi subjekti i parë fitues që do formojë qeverinë. Nga rezultate preliminare e kanë të qartë se ata që dolën të dytët dhe të tretë edhe të mblidhen nuk bëjnë sa Vetëvendosja. VV fitoi, dhe ecim shpejt bashkë përpara drejt qeverisë së re", tha ai.
Zgjedhjet e fundit kanë shënuar një garë të fortë mes partive kryesore, ndërsa rezultatet zyrtare pritet të shpallen së shpejti.
Lini një Përgjigje