FLASH
Shkruar nga Pamfleti
Lëvizja Vetëvendosje (LVV) ka nisur festën në kryeqytet, pasi rezultatet preliminare e vendosin atë si forcën e parë politike në vend.
Mbështetësit e LVV-së janë mbledhur në sheshet kryesore të Prishtinës për të festuar këtë rezultat, pasi lideri i partisë, Albin Kurti, në një konferencë për media shpalli fitoren.
Po ashti ai foli para turmës ku tha 'se populli i Kosovës më 9 Shkurt 2025 e ka mujtë edhe Serbinë edhe Klan Serbinë'.
Ai ka falënderuar qytetarët për besimin e dhënë dhe ka theksuar se kjo fitore është rezultat i punës së qeverisë së tij në mandatin e kaluar.
Ndërkohë, procesi i numërimit të votave po vazhdon, ndërsa Komisioni Qendror i Zgjedhjeve ka konfirmuar se për shkak të një problemi teknik me platformën elektronike, rezultatet po mblidhen manualisht nga vendvotimet.
Lini një Përgjigje