FLASH
Shkruar nga Pamfleti
Situata është tensionuar jashtë ambienteve të Kuvendit, ku protestuesit e mbledhur në tubimin e thirrur nga opozita janë përplasur me efektivët e policisë.
Një grup protestuesish ka tentuar të thyejë kordonin e vendosur nga policia përpara godinës së Parlamentit, duke shkaktuar momente tensioni dhe shtyrje mes tyre dhe efektivëve të rendit.
Forca të shumta policie janë vendosur në perimetrin e Kuvendit për të garantuar sigurinë dhe për të penguar afrimin e protestuesve pranë hyrjes së godinës.
Ndërkohë, situata në zonë mbetet e tensionuar, ndërsa policia vijon të mbajë kordonin e sigurisë për të kontrolluar turmën dhe për të shmangur përshkallëzimin e mëtejshëm të protestës.
Pas tensioneve, fjala para mbështetësve është marrë nga kreu i Partisë Demokratike, Sali Berisha.
Lini një Përgjigje