FLASH
Shkruar nga Pamfleti
Komisioni i Ligjeve në Kuvendin e Shqipërisë ka nisur paraditen e sotme me debate mes deputetes së Partisë Demokratike dhe maxhorancës.
Deputetja e PD, Dhurata Çupi është përplasur me kryetaren e Komisionit Klotilda Ferhati.
Përplasja ka ndodhur për shkak të vendimit të përjashtimit të deputetëve të PD-së, ku sipas Çupit kanë kaluar 13 ditë nga 10 ditë sipas vendimit dhe ata ende nuk i kanë lejuar të marrin pjesë në punimet e Kuvendit.
Çupi kërkoi fjalën për procedurë dhe akuzoi Ferhatin se po shkel rregulloren.
Debati te lidhjet:
Çupi: Ju flisni për respekt ndaj kolegëve, a ka moral që ju të flisni për kolegët në lidhje me respektin? Keni 13 ditë nga përjashtimi i deputetëve dhe rregullorja e përcakton qartë dhe ju nuk i lejoni të vinë. A është kjo për procedurë? A ju vjen turp ju që flisni për respekt?
Ferhati: Ankimojeni vendimin, mos bëj retorikë politike. Një muhabet përditë.
Çupi: Ku të ankimoj, ti ankimoj te ju që i përjashtuat? Zonja kryetare, a ka mundësi të sqarosh. Flisni për respekt ndaj kolegëve, a keni ju turp ? Turp t'ju vijë.
Lini një Përgjigje