FLASH
Shkruar nga Pamfleti
Kreut të grupit të PD, Gazment Bardhit dhe deputetëve të tjerë të opozitës të cilët janë përjashtuar për shkak të trazirave të shkaktuara në Kuvend, u është ndaluar hyrja në godinën e Kryesisë.
Mësohet se Garda deri më tani ka një urdhër që këta deputetë të mos i lejojë të futen në godinë.
Një ditë pas tensioneve në Kuvend, Komisioni i Etikës ka marrë vendimin që të përjashtojë nga Kuvendi 6 deputetë të Rithemelimit.
Konkretisht janë përjashtuar me 10 ditë deputetët Gazment Bardhi, Bledion Nallbati, Flamur Noka, Edi Paloka dhe Albana Vokshi. Ndërkohë me 3 ditë është përjashtuar Saimir Korreshi.
Ndërkohë 10 ditë përjashtim nga punimet e Kuvendit dhe Komisionet Parlamentare i kushtoi Ervin Salianjit, Petrit Dodës dhe Edmond Spahos përplasja me deputetët socialistë në seancën plenare të së enjtes.
Ky ka qenë vendimi që mori Sekretariati i Etikës pas kërkesës që bënë 15 deputetët e maxhorancës për masë disiplinore, duke i akuzuar Salinajin, Spahon e Dodën si përgjegjës për kaosin në Kuvend.
Ndërkohë, në Prokurorinë e Posaçme këtë të premte u paraqit edhe deputeti i PS, Vullnet Sina, i cili u pyet në lidhje me verifikimet e nisura nga SPAK pas kallëzimeve të bëra në lidhje me dhunën e ushtruar në Kuvend në seancën e së hënës.
I kallëzuar në SPAK është deputeti i Partisë Demokratike, Bledjon Nallbati. Prokuroria më herët ka kërkuar edhe sekuestrimin e kamerave të sigurisë në Kuvend, me qëllim verifikimet e nisura, nëse do të regjistrohet një procedim penal për rastin apo jo.
Lini një Përgjigje