FLASH
Shkruar nga Pamfleti
Seanca e nesërme e parlamentit, ashtu si prej kohësh, pritet të karakterizohet nga tensione nga deputetët opozitarë.
Në rendin e ditës janë për t’u votuar projektligji për lojrat e fatit si dhe projektligji për dekoratat, të cilat presidenti Bajram Begaj i ka kthyer për rishqyrtim në Kuvend.
Seanca është parashikuar të nisë në orën 10:00 ndërsa deputetët e Bardhit dhe të Berishës pritet që të përsërisin skenaret e kaosit.
Në seancën plenare të ditës së nesërme nuk do të jenë të pranishëm 19 deputetët e përjashtuar në datën 29 janar 2024. Ndërsa sot PS kërkoi dhe përjashtimin e katër deputetëve të tjerë: Gazment Bardhi, Flamur Noka, Bledion Nallbati dhe Asllan Dogjani.
Deputetët e opozitës kanë deklaruar se aksioni i tyre do të vijojë të përshkallëzohet deri kur t’i plotësohen kërkesat që i kanë drejtuar Kuvendit, ku përfshihen edhe komisionet hetimore.
Megjithatë mazhoranca i ka votuar të gjitha ligjet edhe pse seancat kanë zgjatur pak minuta.
Lini një Përgjigje