FLASH
Shkruar nga Pamfleti
Kryeministri Edi Rama pritet të depozitojë nesër në Kuvend ndryshime në Kodin e Procedurës Penale, së bashku me Taulant Ballën dhe Ulsi Manjën, siç parajamëroi sot në podcastin e tij 'Flasim'.
Megjithatë, ndërhyrja ligjore nuk prek situatën e Belinda Ballukut, pasi ligjet nuk veprojnë me fuqi prapavepruese. Masa e sigurisë ndaj zëvendëskryeministres dhe ministres së Infrastrukturës dhe Energjisë mbetet në fuqi, duke e lënë atë të pezulluar nga detyra.
Projektndryshimi synon të riformulojë nenin 242 të Kodit të Procedurës Penale, duke zgjeruar kategorinë e zyrtarëve që përjashtohen nga masa e pezullimit. Aktualisht, dispozita përcakton se kjo masë nuk zbatohet ndaj personave të zgjedhur sipas ligjit elektoral.
Sipas formulimit ekzistues KODI I PROCEDURËS PENALE, NENI 242:
Është; “Me vendimin që disponon pezullimin e ushtrimit të një detyre a shërbimi publik, gjykata i ndalon përkohësisht të pandehurit, plotësisht ose pjesërisht, veprimtarinë që lidhet me to. Kjo masë nuk zbatohet ndaj personave të zgjedhur sipas ligjit elektoral”.
Ndryshimi i propozuar shton në mënyrë të drejtpërdrejtë disa funksione kushtetuese në listën e përjashtimeve:
Si do të bëhet; “Me vendimin që disponon pezullimin e ushtrimit të një detyre a shërbimi publik, gjykata i ndalon përkohësisht të pandehurit, plotësisht ose pjesërisht, veprimtarinë që lidhet me to. Kjo masë nuk zbatohet ndaj personave të zgjedhur sipas ligjit elektoral përfshi, Presidentin e Republikës, Kryeministrin, Anëtarët e Kabinetit Qeverisës, Avokatin e Popullit, Kreun e KLSH-së dhe Guvernatorin e Bankës së Shqipërisë”.
Lista përfshin Presidentin e Republikës Bajram Begaj, Avokatin e Popullit Endrit Shabani, kreun e Kontrollit të Lartë të Shtetit Arben Shehu dhe Guvernatorin e Bankës së Shqipërisë Genc Sejko, si dhe anëtarët e qeverisë.
Nëse Kuvendi miraton ndryshimet, gjykatat nuk do të mund të vendosin masën e pezullimit ndaj këtyre funksioneve për rastet e ardhshme. Për rastet ekzistuese, ligji nuk ndryshon efektet e vendimeve të dhëna më parë.
Ligji qartë e shqip se masa e pezullimit nuk zbatohet ndaj personave të zgjedhur sipas ligjit elektoral sipas frymës së kushtetutës po maliqët ish të korruptuar e ngatrojnë personin ( që nënkupton emër mbiemër) me funksion të zgjedhur dhe vetëm një funksion është i zgjedhur kryetari i bashkisë. Paaftësia e gj k për të lexuar e zbatuar juridikisht letrarisht dhe frymën e kushtetuses e detyron ligjvënsin në mënyrë të panevokshme të qartësojë si për nxënësit e fillores ligjin 242 se kushtetuta është e qartë