FLASH
Shkruar nga Pamfleti
Kreu i Grupit Parlamentar të Partisë Socialiste, Taulant Balla, ka kërkuar mbajtjen e një minute heshtje në nder të akademikut Rexhep Qosja, i cili u nda nga jeta ditën e sotme.
“Është jetike për respektin ndaj kontributit për shqipen dhe Shqipërinë, të vlerësojmë kontributin e akademikut, për kërkesën që në një moment të caktuar, gjatë ditës së sotme ta kujtojmë veprën e tij duke mbajtur një minutë heshtje. Familja ka kërkuar që të mos ketë ceremoni institucionale. I pa harruar qoftë kujtimi i tij”, u shpreh Balla.
Ndërkohë, mësohet se Rexhep Qosja është përcjellë për në banesën e fundit në mënyrë të qetë dhe pa ceremoni zyrtare, në përputhje me amanetin e tij të mëhershëm. Familjarët kanë respektuar këtë dëshirë, duke organizuar një ceremoni të kufizuar vetëm me rrethin e ngushtë familjar.
Akademiku Qosja lë pas një trashëgimi të pasur në fushën e mendimit dhe kulturës shqiptare, me vepra dhe ide që pritet të mbeten referencë për brezat e ardhshëm.
Lini një Përgjigje