FLASH
Shkruar nga Pamfleti
Deputeti i Partisë Demokratike, Bujar Leskaj, ka propozuar në Kuvendi i Shqipërisë një projektligj që synon të vendosë përgjegjësi të drejtpërdrejtë financiare për punonjësit e administratës publike që shkaktojnë dëme ekonomike institucioneve shtetërore.
Sipas nismës ligjore, çdo punonjës i shtetit që, me dashje, nga pakujdesia apo mungesa e profesionalizmit, shkakton dëm financiar, do të detyrohet ta shlyejë atë nga të ardhurat personale. Projektligji përfshin edhe rastet kur zyrtarët firmosin në shkelje të ligjit nën urdhrat e eprorëve, duke synuar t’i japë fund praktikës së firmave abuzive pa përgjegjësi.
Projektligji përcakton tre forma përgjegjësie financiare: të plotë, të kufizuar dhe të përbashkët. Në rastin e përgjegjësisë së plotë, zyrtari publik shlyen të gjithë dëmin e shkaktuar. Kur shlyerja nuk realizohet brenda 10 viteve me 50 për qind të të ardhurave mujore, ky kufi zbatohet si maksimum. Në përgjegjësinë e përbashkët, secili paguan vetëm pjesën e dëmit që ka shkaktuar vetë.
Nisma parashikon edhe masa për shkeljet pa dashje, por me pasoja financiare, ku zyrtari detyrohet të paguajë deri në 7 paga mujore bruto dhe jo më shumë se 25 për qind të dëmit. Drejtuesit mbajnë përgjegjësi edhe për shkeljet e vartësve të tyre. Nga përgjegjësia financiare përjashtohen rastet kur punonjësit kanë vepruar nën kërcënim serioz për jetën, duke synuar mbrojtjen e administratës nga presioni i paligjshëm i eprorëve.
Koqe kanari përgjegjsia është penale ose jo gjykata vendos për dëmshpërblimin sekuestro ajo për çfarë vlen ky ligj koti
Ky ligj eshte per ata qe firmosin ne shkelje 100 milion euro dhe denohen me 7 paga bruto mujore. Djalli fshihet ne detajet. Dhe gjykata eshte e mbrojtur se ka zbatuar ligjin pastaj.