FLASH
Shkruar nga Pamfleti
Seanca parlamentare e kësaj të enjteje nisi me një minutë heshtje në nder të Adem Jasharit dhe familjes së tij në Prekaz.
Kërkesën për këtë homazh e paraqiti grupi parlamentar i Partisë Socialiste. Më 5 mars 1998 forcat serbe nisën sulmin ndaj familjes Jashari në Prekaz, një ngjarje që shënon një moment kyç në historinë e Kosovës.
Gjatë nisjes së seancës u mbajt edhe një minutë heshtje për ish-deputetin Tomor Dosti, i cili u nda nga jeta një ditë më parë.
Kërkesa për nderimin e tij u paraqit nga Partia Demokratike. Deputetët e pranishëm në sallë respektuan të dyja momentet e heshtjes në fillim të punimeve parlamentare.
Kush ishte Tomor Dosti
Tomor Dosti ishte edhe nënkryetar i PD në vitet e para. U zgjodh deputet në dy legjislatura 1991-1996, ndërsa më 1998 u tërhoq nga politika aktive.
Ish-ligjvënësi njihej për vuajtjet e tij në kohën e diktaturës. U dënua në vitin 1953 me 25 vjet heqje lirie. Burgun e vuajti në Burrel mes personaliteteve të Shqipërisë. Pas burgut kaloi kalvarin e internimit familjarisht.
Ai lindi në Gjirokastër, në vitin 1930. I biri i ish-ministrit Hasan Dosti. Pas arratisjes së babait dhe vëllait, ai me vëllezërit dhe motrat, pasi të ëmën ia pushkatuan gjermanët ditën e largimit nga Tirana, u persekutuan. U arrestua më 1953 dhe u dënua me 20 vjet heqje lirie “për tentativë arratisjeje”.
Më 1991 i bashkohet PD duke vënë në dispozicion të saj kredibilitetin politik e familjar në jugun e Shqipërisë, duke krijuar me Pjetër Arbnorin, Leka Totën, Uran Butkën, Ajet Rusin dhe të vëllain Lekën, lëvizjen politike demokrate.
Lini një Përgjigje