FLASH
Shkruar nga PamfletiGjyqtari Kalaja ishte në krye të detyrës, kur po shqyrtonte një çështje gjyqësore për çështje pronësie, kur u ekzekutua.
Kanë nisur sot më 8 tetor, në Pallatin e Kongreseve homazhet për nderim të gjyqtarit Astrit Kalaja, që u vra më 6 tetor në sallën e gjyqit.
Në nderim të gjyqtarit Kalaja, një kurorë me lule është vendosur në emër të qeverisë, ndërsa dhjetëra kolegë të tij nga Gjykata e Apelit të Përgjithshëm, përfaqësues të institucioneve të drejtësisë dhe qytetarë të shumtë kanë marrë pjesë në homazhe, raporton gazetarja e Klan News, Glidona Daci.
Të pranishëm në ceremoninë mortore të gjyqtarit Kalaja janë presidenti Bajram Begaj, edhe kryeministri Edi Rama, ministri i Drejtësisë, Besfort Lamallari dhe kryetari i Gjykatës së Lartë, Sokol Sadushi dhe kreu i SPAK, Altin Dumani.
Rama, i veshur me të zeza, ka nderuar figurën e gjyqtarit të rënë në krye të detyrës.Kreu i qeverisë nënshkroi dhe një mesazh, në nderim të gjyqtarit.
Kryetari i Gjykatës së Lartë, Sokol Sadushi, i cili në një deklaratë për mediat u shpreh se kjo gjendje nuk mund të vijojë, pasi gjyqtarët kanë nevojë për siguri që të japin drejtësi.
“Duhen marrë masa pasi gjendja në gjykatat shqiptare e papranueshme. Siguria është në nivelin zero. Një gjendje e tillë nuk mund të lejohet më. Gjyqtarët duan siguri që të japin drejtësi”, tha ai.
Në homazhe mori pjesë edhe ish-prokurori Arjan Ndoj, tashmë deputet i PD-së.
Ceremonia e homazheve do të mbahet nga ora 09:00 deri në orën 11:00, me pjesëmarrjen e përfaqësuesve më të lartë të institucioneve të drejtësisë, autoriteteve shtetërore, kolegëve, familjarëve dhe miqve të të ndjerit, të cilët do t’i japin lamtumirën e fundit gjyqtarit Kalaja.
Pas përfundimit të ceremonisë në Tiranë, trupi i gjyqtarit do të përcillet për në qytetin e tij të lindjes, Shkodër, ku në orët e pasdites (14:00–16:00) do të zhvillohet ceremonia e varrimit.
Ndërkohë, autoritetet vijojnë hetimet për zbardhjen e rrethanave të ngjarjes, që çoi në ndarjen e parakohshme nga jeta të gjyqtarit Kalaja.
Astrit Kalaja do të kujtohet si një profesionist që la gjurmë në sistemin gjyqësor shqiptar.
Kalaja që u vra dy ditë më parë në sallën e gjyqit. Gjyqtari u qëllua me tre plumba nga Elvis Shkambi menjëherë pasi shpalli verdiktin për një konflikt pronësie. Autori ka dëshmuar se i kishte ardhur në majë të hundës me gjyqet dhe se vendosi që të qëllojë kundrejt gjyqtarit, pasi vendosi kundër xhaxhait të tij, Gjon Shkambi.
Kurse une do te mbaj homazhe , per te dy, edhe per ate djalin e ri qe e varrosi jeten ne burgjet e ferrit shqiptar, ne lulen e rinise. Do te mbaj homazhe per shkaterrimin e te dy familjet shqiptare nga politika kriminalele e ketij gangsteri qe e vetshpalli vehten mbret te shqiptareve.
homazhe duhet te vije sa me shpejt dita qe te mbahen per ate qe shkaterroi Shqiperine por populli idiot nuk kupton se si dhunohet cdo dite dhe qesh e ben sehir