FLASH
Shkruar nga Pamfleti
Sekretari i Përgjithshëm i Organizatës së Kombeve të Bashkuara, António Guterres, shprehu sot shqetësim të thellë për tensionet në rritje mes Shteteve të Bashkuara dhe Iranit, duke paralajmëruar se një përshkallëzim i mëtejshëm i luftimeve në rajonin e Gjirit Persik mund të ketë “pasoja katastrofike” për paqen globale.
Në një deklaratë të lexuar nga zëdhënësi i tij, Stéphane Dujarric, Guterres u bëri thirrje të dyja palëve që të rifillojnë urgjentisht negociatat dhe të kthehen në rrugën e diplomacisë.
“Nëse rikthehen armiqësitë në shkallë të plotë, pasojat do të jenë katastrofike për popujt e rajonit, për paqen dhe sigurinë ndërkombëtare, si edhe për ekonominë globale”, thuhet në deklaratën e OKB-së.
Guterres vlerëson se situata aktuale rrezikon të minojë përparimin diplomatik të arritur kohët e fundit mes Teheranit dhe Uashingtonit. Ai theksoi nevojën për zgjidhje paqësore të çështjeve të mbetura përmes dialogut, duke shmangur çdo veprim që mund të çojë në konfrontim të drejtpërdrejtë.
Deklarata vjen në një moment të tensionuar të marrëdhënieve mes dy vendeve, ku përshkallëzimi i fundit i luftimeve në Gjirin Persik ka ngritur shqetësime për stabilitetin rajonal dhe ndërkombëtar.
OKB-ja është shprehur e gatshme për të lehtësuar dialogun midis palëve, me synimin për të parandaluar një krize të re që mund të ketë efekte të gjera mbi tregjet energjetike globale, sigurinë detare dhe paqen në Lindjen e Mesme.
Lini një Përgjigje