FLASH
Shkruar nga Pamfleti
Zgjedhjet për kryetarët e degëve të Partisë Demokratike në Maliq dhe Kolonjë janë mbyllur me rizgjedhjen e drejtuesve aktualë, pas një procesi votimi të zhvilluar pa incidente.
Në Maliq, gara u zhvillua mes Nevjon Kodrasit dhe Jani Rovarit, ku në votim morën pjesë 604 anëtarë. Nga numërimi i votave, Kodrasi siguroi 458 vota, duke marrë një epërsi të dukshme ndaj rivalit të tij, i cili mori 139 vota.
Ndërkohë, në Kolonjë, Viktor Duro u konfirmua sërish në krye të degës, pasi fitoi përballë Nikolla Papajanit. Duro arriti të marrë 124 vota, ndërsa rivali i tij siguroi 80 vota.
Sipas burimeve nga procesi, zgjedhjet në të dyja degët u zhvilluan në mënyrë të qetë dhe të rregullt, pa probleme gjatë votimit apo numërimit, duke reflektuar një proces të kontrolluar dhe pa incidente.
Lini një Përgjigje