FLASH
Shkruar nga Pamfleti
Ministri i Brendshëm, Taulant Balla ka reaguar për ekstradimin e dy shqiptarëve nga Greqia dhe Italia që ishin pjesë e grupeve kriminale.
Më anë të një postimi në rrjetet sociale, Balla thotë se çdo ditë vijon bashkëpunimi me Interpol për të gjetur personat në kërkim ndërkombëtar.
“Vijon çdo ditë bashkëpunimi i shkëlqyer me Interpol për gjetjen e personave në kërkim ndërkombëtar nga drejtësia, për t’i dhënë fund pandëshkueshmërisë. Përgëzime Interpol Tirana në bashkëpunim edhe me njësitë partnere në Itali dhe Greqi, lokalizuan, ndaluan dhe sot ekstraduan në Shqipëri dy persona, pjesëtarë të grupeve kriminale të përfshira në trafik ndërkombëtar lëndësh narkotike”, shkruan ministri Balla.
Nga Italia është ekstraduar 32-vjeçari Gjergji Luli i akuzuar si pjesëtar i një grupi të strukturuar kriminal me veprimtari në fushën e narkotikëve. Ky shtetas dyshohet se i ka shitur një sasi lënde narkotike kokainë, 2 shtetasve të tjerë shqiptarë, të cilët më pas e kanë trafikuar dhe shitur lëndën narkotike, në Itali.
Ndërkohë nga Greqia u ekstradua një 48-vjeçar Arben Cufe i akuzuar si organizator i trafikimit të një sasie lëndë narkotike kanabis, në Greqi.
Lini një Përgjigje