FLASH
Shkruar nga Pamfleti
Deputetja e PD Jorida Tabaku foli për një situatë të vështirë ekonomike në vend. Ajo tha se sot 95 % e qytetarëve shqiptarë ndodhen në një situatë të vështirë ekonomike, duke nënvizuar se vendi ndodhet në një udhëkryq ekonomik. Tabaku shtoi se shtrenjtimi i çmimeve përpara festave solli edhe rënie të konsumit.
“95 % qytetarëve sot ndodhen në një situatë të vështirë ekonomike. Kemi një ekonomi që nuk prodhon. Bujqësia dhe fasonet ishin dy sektorë që eksportonim më shumë dhe si rezultat i zhvlerësimit të euros këto janë në një situatë jo të mirë. Pra ne ndodhemi në një udhëkryq ekonomik”, u shpreh ajo në një intervistë në “Studio24” në News24.
Tabaku u ndal edhe tek amnistia fiskale, duke thënë se e sheh si një ligj shumë të dëmshëm dhe korruptiv.
“2026 e shoh me shqetësim pasi amnistia fiskale është e dëmshme. Që lidhet me faljen e borxheve të të shkuarës dhe kjo do t’i dekurajojë të gjitha ata që i kanë paguar. Ligji më korruptiv është amnistia fiskale, pasi për mua është legalizim i pastrimit të parave. Nuk ka aspak transparencë. Përse qeveria shqiptare nuk i bën publike? Sepse qytetarët kanë të drejtë të marrin informacion se kush përfiton dhe nuk do ofrojë transparencë për ato që përfitojnë nga amnistia fiskale”, tha Tabaku.
Ke nxjerre ndonje here leke me djerse ti..apo deputete me leket tona..