FLASH
Shkruar nga Pamfleti
Ish-deputeti i Partisë Demokratike, Astrit Patozi është shprehur se PD “nuk ka parë ditë të bardha” që kur, sipas tij prishi garën për kreun e partisë mes Lulzim Bashës dhe ish-deputetit të ndjerë, Sokol Olldashi, e cila u mbyll me fitoren e Bashës dhe kontestime në radhët e demokratëve.
Në një intervistë për emisionit “Frontline” në “News24”, ai tha se Berisha ka qenë mbështetësi i vetëm i Lulzim Bashës që nga dita e tij e parë dhe deri në momentin kur ai e përjashtoi nga partia.
Ai vijoi duke thënë se fakti që Basha po tenton të udhëheqë si Berisha, tregon se simbioza e tyre nuk ka qenë e kotë.
“Basha sot po thotë disa teza për të cilat na ra goja dhe ai nuk bëri gjë kur kishte mundësi. Ne e kemi çuar listat e hapura në GJK dhe sot që flasim lista është e hapur. Sot ka një betejë të pabarabartë.
PD nuk ka parë asnjë ditë të bardhë që kur prishi garën mes Bashës dhe Olldashit sepse nuk ka pasur asnjë proces të pastër në brendësi. Shqiptarët e shohin që sa herë ke kontestime për një garë të pandershme brenda shtëpisë, mos prit perfeksion me kundërshtarin.
Berisha ka qenë mbështetësi i vetëm i Bashës që nga dita e parë kur u zgjodh, deri në ditën kur ata nxorrën thikat dhe nisën përleshjen. Berisha ka qenë nxitësi dhe tutori i Bashës deri në fund. Basha është i vetmi që në fushatë rri në shtëpi dhe pas zgjedhjeve thotë do bëhem kryetar. Fakti që Basha po bën të njëjtën gjë si Berisha. Ajo simbioza mes tyre nuk ka qenë e kotë, pasi kanë udhëhequr njësoj dhe kanë bërë të njëjtat veprime”, deklaroi Patozi.
Lini një Përgjigje