FLASH
Shkruar nga Pamfleti
Ish-kryeminstri Berisha ka folur lidhur me tensionet nga deputetët e opozitës në Kuvend.
Deputetët kanë lënë mbresa te kryetari i Partisë Demokratike, saqë e ka cilësuar kaosin dhe djegien e karrigeve si veprim të guximshëm. Berisha tha se kjo ishte përgjigjia e merituar nga deputetët për Edi Ramën.
Kreu i PD shton se sot nisi beteja e opozitës për fitore.
“Mirëmbrëma dhe përshëndetjet më të përzemërta, mirënjohjen më të pakufishme ju, guximtareve dhe guximtarëve, qendrestareve dhe qendrestarëve të kauzës së drejtë të çdo shqiptari.
Luftëtarëve të paepur kundër mafies më të rrezikshme të kontinentit Europian dhe mafies ndërkombëtare.
Një përshëndetje të përzemërt oratorëve të kësaj platforme që me guxim shpërndajnë të vërteta në të 4 anët e vendit.
Një përshëndetje të zjarrtë deputetëve të Partisë Demokratike, që nisën sot në sallën e parlamentit të mafias dhe krimit, betejën e fitores, betejën e pandalshme, që i dha përgjigjen më të merituar Edi Ramës, këtij kryemafiozi të Shqipërisë dhe Europës, që burgosi deputetin Ervin Salianji, sepse ai denoncoi Geronin e vëllazërisë Xhafa, që fshihej dhe si kriminel, shpërndante drogë, helm në Shqipëri, në Itali dhe Europë.
Të dashur miq!
Sot deputetët e PD-së, nisën betejën, betejën e cila ndalet vetëm me fitoren e opozitës. Ajo betejë duhet të frymëzojë çdo demokrate, demokrat, çdo qytetare e qytetar të këtij vendi, për tu ngritur në një betejë në mosbindje civile më te gjitha mjetet e saj.
Për shpëtimin e Shqipërisë nga krimit, mafia, vjedhja.
Qeveri teknike, zgjedhje të lira. Rotacionin, fitoren e opozitës.
Deputetët e opozitës sot u thanë kriminelëve me pushtet, Edi Ramës në parlament, në qeveri në prokurori dhe gjykata e kudo që janë, se është radha jonë dhe se forcë në botë nuk ka që të na ndalë ne pa realizuar qëllimet tona”, shprehet Berisha.
Lini një Përgjigje