FLASH
Shkruar nga Pamfleti
Përçarja brenda Partisë Demokratike ka çuar shpesh në aludime se opozita mund të zhduket.
Deputeti demokrat Agron Gjekmarkaj duke folur për debatet brenda PD-së e mohoi një gjë të tillë.
Sipas tij PD nuk po rrezikon zhdukjen por ka nevojë për lidership të ri.
“Duket si kohë qameti. Që ditën kur kam hyrë në politikë ka pasur një debat të brendshëm. Në rrafshin publik njeriu kupton shumë fenomene dhe në fund besoj ka fituar diçka. Mendoj që janë votuesit ata që përcaktojnë ndërprerjen e ekzistencës së një partie. PD ekziston dhe nuk mendoj se është në rrezik për tu zhdukur sepse e ka elektoratin dhe me një ribërje të PD, modernizim, zgjedhje, lidership i ri, ndryshim gjuhe, diskursi, platforma , oferta, profesionistë. Nuk mund të pretendosh që shoqëria të ndjek nëse nuk lexon dinamikën e saj”, ka thënë Gjekmarkaj në ABC News.
Lini një Përgjigje