FLASH
Shkruar nga Pamfleti
Reforma Zgjedhore vijon të mbetet çështja më e debatuar e momentit.
Deputeti socialist Etjen Xhafaj tha se janë deputetët demokrat ata që prej dy vitesh e bllokojnë reformën.
Sipas tij ende këta deputetë nuk flasin për çështjet që lidhen me vetë reformën zgjedhore.
Megjithatë Xhafaj shprehet se është e domosdoshme që mes palëve të ketë dialog për këtë çështje.
“Së pari, është domosdoshmëri të ulemi dhe të diskutojmë. Të gjitha zgjidhjet e mundshme do kenë të mirat dhe të këqijat e tyre. Është domosdoshmëri të mblidhemi me palët dhe të diskutojmë. Ky komision ka 2 vite e gjysmë që është ngritur. Një pjesë e opozitës që tashmë po e kundërshton, për 2 vite e gjysmë nuk ka folur fare”, tha Xhafaj.
Sa i takon propozimeve të ardhura nga kryedemokrati Lulzim Basha, Xhafaj tha se mes tyre vota e emigrantëve është një domosdoshmëri dhe një detyrim ndaj shqiptarëve që jetojnë jashtë kufijve.
Sipas deputetit socialist ka ardhur koha që shqiptarëve tu ofrohet një alternativë e re dhe jo më bllokime.
“Tani duhet t’u ofrojmë shqiptarëve një alternativë të re, kjo nuk bëhet nëpërmjet bllokimeve. Vota e emigrantëve, ua kemi borxh dhe duhet t’ua japim këtë të drejtë dhe ta diskutojmë me të gjitha palët”, ka thënë Xhafaj në një intervistë për Report Tv.
Lini një Përgjigje