FLASH
Shkruar nga Pamfleti
Gjykata italiane ka dënuar me 27 vite burg Selami Bodinin, i cili mbyti bashkëshorten e tij gjatë natës së 28 tetorit të vitit të kaluar, Etleva Bodini.
Sipas mediave italiane ishte kryetari i Gjykatës së Shkallës së Lartë Franco Greco, i cili dha dënimin, ndërkohë që Prokuroria kishte kërkuar burgim të përjetshëm.
42-vjeçari shqiptar u shpall fajtor për mbytjen e gruas së tij gjatë një mosmarrëveshjeje në familje, duke e lënë të pajetë në shtrat, ndërsa fëmijët e tyre flinin në dhomën tjetër.
Përveç dënimit penal, i akuzuari është urdhëruar që të paguajë dëmshpërblim prej 770 mijë euro për palët civile të përfshira në gjykim. Megjithatë, ai u lirua nga akuzat për dëmtim të rëndë dhe të vazhdueshëm.
Sulmi ndodhi pas një debati të ashpër, i nxitur nga xhelozia e bashkëshortit të saj. Pasi gruaja ishte strehuar në dhomën e gjumit për t’i shpëtuar sulmit dhe ndoshta për të kërkuar ndihmë, burri e ndoqi atë dhe kreu aktin e rëndë.
Lini një Përgjigje