FLASH
Shkruar nga Pamfleti
Dy të rinjtë Florjan Muka dhe Klajdi Muka të cilët vranë me thikë në qendër të Fierit, Grei Bihucin, njihen sot me masën e sigurisë.
19-vjeçari u fut për të ndarë sherrin mes dy kushërinjve dhe shokut të tij Olsi Serjanit por u plagos me thikë. Fatkeqësisht i riu ndërroi jetë rrugës për në spital.
Prokuroria ka kërkuar arrest me burg për dy të rinjtë, të cilët akuzohen për veprat penale “Vrasje me paramendim”, e kryer në bashkëpunim dhe “Prodhimi mbajtja blerja apo shitja pa leje e armëve te ftohta”.
Grei Bihuci, nxënës i informatikës në shkollën “Petro Sota” u godit me thikë paraditen e së hënës, (11 mars) në qendër të qytetit të Fierit nga 18-vjeçari Florjan Muka. Ai kishte ndërhyrë për të shuar konfliktin e shokut të tij, Olsi Serjani me dy kushërinjtë Muka nga fshati Kallm. 18-vjeçari Florjan Muka i cili kreu vrasjen bashkë me djalin e xhaxhait të tij, Klajdi Muka janë prangosur nga policia. Ndërsa 20-vjecari Serjani që mbeti i plagosur ndodhet në spital jashtë rrezikut për jetën.
Policia njoftoi se zanafilla e konfliktit është një foto në rrjetin social “Snapchat”. Debatin e kanë nisur kushërinjtë Muka me Olsi Serjanin dhe një tjetër i mitur, emri i të cilit nuk bëhet i ditur. Prej disa ditësh ata shaheshin në rrjetet sociale dhe u dërgonin foto me thika njëri-tjetrit, duke demonstruar forcën.
Ditën e hënë (11 mars), kushërinjte Muka e kishin lënë për tu sqaruar ballë për ballë me Olsi Serjanin. Ky i fundit ka thirrur në ndihmë mikun e tij, Grei Bihuci. Sqarimi nuk ka shkuar ashtu siç duhet pasi të rinjtë janë përleshur fizikisht pranë urës së Gjanicës në Bulevardin Jakov Xoxa. 18-vjecari ka nxjerr thikën dhe i ka qëlluar të dy, duke lënë të vdekur Grei Bihucin dhe të plagosur Olsi Serjanin.
Lini një Përgjigje