FLASH
Shkruar nga Pamfleti
37-vjeçari Kujtim Metaj i cili arrestua ditën e sotme në kuadër të operacionit antidrogë të koduar “Vortex” në Vlorë, nuk është një emër i panjohur për policinë.
Metaj rezulton person me precedent penal të mëparshëm për heqje të paligjshme të lirisë, ngjarje e ndodhur në vitin 2013.
Metaj është arrestuar gjithashtu për dhunë në familje dhe kanosje në vitet 2020 dhe 2021.
Nga operacioni i sotëm u sekuestruan kokainë dhe heroinë me vlerë 810 mijë euro. Në pranga ranë shtetasit Viktor Jaupaj, 53 vjeç dhe Kujtim Metaj, 37 vjeç, të cilët u kapën duke transportuar lëndë narkotike nga Fier për në Vlorë, për t’ua shitur shtetasve të tjerë që i shpërndanin në doza.
Policia ka sekuestruar në total rreth 3.4 kilogramë kokainë dhe 133 gramë heroinë, me vlerë rreth 810 000 euro.
Lini një Përgjigje