FLASH
Shkruar nga Pamfleti
50-vjeçari Paul Deda është arrestuar në Francë, ndërsa pritet ekstradimi drejt Shqipërisë. Ai akuzohet nga SPAK për trafikun e 1 ton lëndë narkotike kanabis në Bari.
50-vjeçari tentoi të trafikonte 1016 kilogramë lëndë narkotike cannabis sativa të kultivuar në Shqipëri nëpërmjet rrugës detare. Gjatë operacionit, u arrestuan 2 anëtarë të kësaj organizate kriminale.
GjKKO-ja i ka caktuar Paul Dedës masën e sigurisë "arrest në burg", për akuzat: trafikim të lëndëve narkotike dhe pastrim parash, kryer në kuadër të organizatës kriminale.
"Kapet në Francë, pjesëtari i një organizate kriminale ndërkombëtare që akuzohet nga SPAK, për trafikimin e mbi 1 ton Cannabis, në Bari, nëpërmjet rrugës detare.
Si rezultat i sigurimit të informacionit nga struktura të specializuara të Policisë së Shtetit, dhe shkëmbimit të tij në kohë reale, nëpërmjet Interpol Tiranës, me homologët në Paris, në kuadër të kësaj faze të operacionit “The Wanted”, policia franceze lokalizoi dhe arrestoi me qëllim ekstradimin në Shqipëri, shtetasin shqiptar, të shpallur në kërkim ndërkombëtar, P. D., 50 vjeç.
GjKKO-ja i ka caktuar 50-vjeçarit, masën e sigurisë "Arrest në burg", për trafikim të lëndëve narkotike dhe pastrim parash, kryer në kuadër të organizatës kriminale.
Nga hetimet e kryera dyshohet se shtetasi P. D., në bashkëpunim me shtetas shqiptarë dhe italianë, kanë tentuar të trafikojnë në Itali, nëpërmjet rrugës detare, 1016 kilogramë lëndë narkotike Cannabis Sativa të kultivuar në Shqipëri. Sasia e lëndës narkotike u sekuestrua në Bari, nga Policia italiane, ku gjithashtu u arrestuan 2 pjesëtarë të kësaj organizate kriminale.
Interpol Tirana vijon të bashkëpunojë me homologët në Francë, për të finalizuar procedurën për ekstradimin në Shqipëri, të 50-vjeçarit", njoftoi policia.
Lini një Përgjigje