FLASH
Shkruar nga Pamfleti
Blutë e kryeqytetit kanë goditur një tjetër rast i trafikimit të armëve të zjarrit, duke vënë në pranga dy të rinj nga Fieri.
Sipas Policisë gjatë kontrollit 21-vjeçarit iu gjetën dhe iu sekuestruan një armë zjarri pistoletë dhe municion luftarak, të cilën dyshohet se e posedonte me qëllim shitjen në Tiranë.
21-vjeçari Dejvi Naci është arrestuar ditën e sotme nga policia pasi dyshohet se do të shiste një pistoletë në kryeqytet. Në pranga ka rënë edhe shoku i tij Albi Spahaj për moskallëzim krimi.
24-vjeçari Albi Spahaj dhe 21-vjeçari Dejvi Naci, të dy banues në Fier, ishin nisur drejt Tiranës më qëllim shitjen e armës së zjarrit.
“Seksioni për Hetimin e Trafiqeve të Paligjshme, në bashkëpunim me Forcën Operacionale të DVP Tiranë, si rezultat i hetimeve të kryera me metoda proaktive, në drejtimin e Prokurorisë, për goditjen e veprimtarisë kriminale të shitjes së armëve të zjarrit, ka organizuar dhe finalizuar operacionin policor të koduar “Suspend 1”.
Si rezultat e të cilit arrestuan shtetasit D. N., 21 vjeç dhe A. S., 24 vjeç, të dy banues në Fier.
Gjatë kontrollit fizik të 21-vjeçarit, shërbimet e Policisë gjetën e sekuestruan një armë zjarri pistoletë dhe municion luftarak, të cilën dyshohet se e posedonte me qëllim shitjen në Tiranë”, njoftoi policia.
Lini një Përgjigje