FLASH
Shkruar nga Pamfleti
Një sherr i dhunshëm është regjistruar pasditen e sotme në qendër të fshatit Karbunarë në Lushnjë. Konflikti mësohet se ka nisur për motive të dobëta dhe për pasojë ka mbetur i plagosur një 29-vjeçar.
Në sherr bëhet me dije se janë përfshirë pesë persona, dy prej të cilëve janë në këkrim nga policia pasi janë larguar nga vendi i ngjarjes.
Ndërkohë që i plagosur i cili ndodhet jashtë rrezikut për jetën dhe dy të tjerë, janë dërguar Komisariatin e Policisë Lushnjë dhe po japin dëshminë për ngjarjen.
Njoftimi i policisë
Lushnjë/Informacion paraprak/ Rreth orës 18:30 në qendër të fshatit Karbunarë, Lushnjë, si pasojë e një konflikti për motive të dobëta midis disa shtetasve të cilët janë konfliktuar me sende të forta dhe mjet prerës, ka mbetur i dëmtuar jashtë rrezikut për jetën shtetasi D. S., 29 vjeç, i cili pasi mori mjekim në spital është shoqëruar në Komisariatin e Policisë Lushnjë bashkë me 2 shtetas të tjerë të përfshirë në konflikt, konkretisht shtetasit A. H., dhe E. M., për sqarimin e rrethanave të këtij konflikti.
Shërbimet e Policisë po punojnë për kapjen e shtetasve J. S., dhe M. S., të cilët ishin gjithashtu pjesë e konfliktit ku mbeti i plagosur shtetasi D. S.
Oficerët e Policisë Gjyqësore nën drejtimin e Prokurorisë, po punon për sqarimin e plotë të rrethanave të këtij rasti.
Lini një Përgjigje