FLASH
Shkruar nga Pamfleti
Një 42-vjeçar qëlloi me breshëri kallashnikovi një ditë më parë në Karaburun të Vlorës, duke rrezikuar e terrorizuar banorët e zonës.
Burime zyrtare të policisë thonë se 42-vjeçari qëlloi në ajër në afërsi të stanit të tij në vendin e quajtur “Gallolec”.
Me të shkuar në vendin e ngjarjes, autoritetet e vunë në pranga personin në fjalë, ndërsa i sekuestruan po ashtu kallashnikovin, një krehër dhe municion luftarak.
“Shërbimet e Stacionit të Policisë Orikum, në vijim të punës për garantimin e sundimit të ligjit në territor, pas informacionit të marrë se në Karaburun, në vendin e quajtur “Gallolec”, një shtetas kishte qëlluar me armë zjarri që e mbante pa leje në stanin e tij, kanë organizuar dhe finalizuar operacionin policor të koduar “Strike 9”, në kuadër të të cilit u bë arrestimi në flagrancë i shtetasit: A. J., 42 vjeç, banues në fshatin Dukat. Ky shtetas dyshohet se ditën e djeshme, ka qëlluar me armë zjarri kallashnikov, në Karaburun, në afërsi të stanit të tij, duke rrezikuar banorët e zonës. Shërbimet e Policisë gjatë kontrollit në këtë zonë kanë gjetur të fshehur dhe kanë sekuestruar në cilësinë e provës materiale armën e zjarrit kallashnikov, një krehër dhe municion luftarak”, tha policia në një njoftim për mediat.
Lini një Përgjigje