FLASH
Shkruar nga Pamfleti
Një 64-vjeçar në Kurbin ka rënë në prangat e policisë, pasi ishte shpallur në kërkim për dhunë në familje.
Uniformat blu bëjnë me dije se i arrestuari i identifikuar si Gjok Gjergji dhunonte vazhdimisht gruan dhe e kërcënonte me jetë.
Sakaq, gjatë kontrollit në banesë, 2 ditë më parë, u gjetën dhe u sekuestruan një armë gjahu dhe municion luftarak, që ky shtetas i mbante pa leje.
"Kurbin/Lokalizohet, kapet dhe vihet në pranga 64-vjeçari i shpallur në kërkim 2 ditë më parë, pasi ushtronte vazhdimisht dhunë ndaj bashkëshortes së tij dhe e kanoste atë për jetën.
Shërbimet e Komisariatit të Policisë Kurbin, në vijim të kontrolleve për kapjen e shtetasve të shpallur në kërkim dhe vënien e tyre përpara përgjegjësisë ligjore, kanë bërë të mundur lokalizimin, kapjen dhe vënien në pranga të shtetasi, 64-vjeçar, banues në Kurbin.
Ky shtetas u shpall në kërkim pas denoncimit nga bashkëshortja e tij se në mënyrë të vazhdueshme kishte ushtruar dhunë ndaj saj dhe e kishte kanosur atë për jetën.
Gjatë kontrollit në banesë, 2 ditë më parë, u gjetën dhe u sekuestruan një armë gjahu dhe municion luftarak, që ky shtetas i mbante pa leje. Materialet procedurale iu referuan Prokurorisë, për veprime të mëtejshme.", njofton policia.
Lini një Përgjigje