FLASH
Shkruar nga Pamfleti
Një 63-vjeçar banues në Bërzhitë, është arrestuar nga policia pas zbulimit të disa armëve zjarri në banesën e tij.
Gjatë kontrollit në banesën e 63-vjeçarit, efektivët gjetën dhe sekuestruan një automatik, një pushkë, tre armë gjahu, dy armë të ftohta dhe municion luftarak, të cilat nga pamjet e fotove duket se janë të vjetra.
Policia arrestoi 63-vjeçarin për armëmbajtje pa leje.
"Finalizohet operacioni policor i koduar “Kllojka”, për goditjen e veprimtarisë kriminale të armëmbajtjes pa leje.
Shërbimet e Komisariatit të Policisë Nr. 1, në vijim të punës për parandalimin dhe goditjen e rasteve të armëmbajtjes pa leje, organizuan dhe finalizuan operacionin policor të koduar “Kllojka” në kuadër të të cilit, u arrestua shtetasi:
-M. Ç., 63 vjeç, banues në fshatin Kllojkë, Bërzhitë.
Në vijim të operacionit, gjatë kontrollit në banesën e 63-vjeçarit, Policia gjeti dhe sekuestroi në cilësinë e provës materiale, 2 armë zjarri(një automatik dhe një pushkë), 3 armë gjahu, 2 armë të ftohta dhe municion luftarak.
Materialet procedurale iu referuan Prokurorisë së Tiranës, për veprime të mëtejshme", njofton policia.
Lini një Përgjigje