FLASH
Shkruar nga Pamfleti
Të tjera detaje janë zbardhur lidhur nga ngjarja e rëndë e ndodhur në orët e para të 14 shkurtit në Tiranë, ku një vajzë 18-vjeçare ka mbërritur në spital e plagosur me armë zjarri. Policia në një njoftim zyrtar bën të ditur se ngjarja ka ndodhur në një hotel, ndërsa nga kamerat e sigurisë rezulton se ajo është vetëplagosur.
Ndërkohë, grupi hetimor ka arritur të marrë një dëshmi nga vajza, e cila i qëndron të njëjtit version, vetëplagosjen.
Sipas raportimeve, që i referohen grupit hetimor, mësohet se vajza ka deklaruar se ka kryer vetëplagosje për shkak të shumë gabimeve që ka bërë në jetë.
Nga dëshmia e dhënë, raportohet se 18 vjeçarja ka pohuar se ka qenë vetëm në dhomë, ndërsa sipas hetimeve rezulton se ajo ka pasur një lidhje me 22-vjeçarin, i cili është shpallur në kërkim për moskallëzim krimi.
Policia në njoftimin zyrtar thotë se ka ndaluar dy persona për moskallëzim krimi dhe fshehje të provave, ndërsa arma e krimit dyshohet se i përket një 22-vjeçari, ndaj të cilit është ngritur edhe akuza e armëmbajtjes pa leje.
Lini një Përgjigje