
Katër shqiptarë janë arrestuar nga policia franceze, pasi ishin të përfshirë në trafikun e heroinës. Sipas informacioneve katër të arrestuarit shqiptarë janë të moshave 18-vjeç deri në 53.
Mediat franceze bëjne me dije se hetimi dhe ndjekja e tyre filloi me një informacion në lidhje me një pikë trafiku droge në lagjen Côte Perrière.
Pas mbikëqyrjes, oficerët gjetën një trafikant dhe e ndoqën deri në shtëpinë e tij. Ai u arrestua pak kohë më vonë gjatë një transaksioni në Passage de l’Isle.
Një përdorues u arrestua gjithashtu pasi bleu dy qese me heroinë për 70 euro. Policia vazhdoi të monitoronte banesën e trafikantit dhe vuri re dy burra të tjerë që po largoheshin. Ata u ndaluan dhe u arrestuan. Gjatë kontrollit të apartamentit, hetuesit zbuluan materiale paketimi, 1.5 kg heroinë në formën e blloqeve dhe qeseve, dhe 7,600 euro në para të gatshme.

Lini një Përgjigje