FLASH
Shkruar nga Pamfleti
Një 34-vjeçar shqiptar është arrestuar nga policia greke, pasi akuzohet se ka goditur me çekiç një 40-vjeçar në Selanik.
34-vjeçari po procedohet për plagosje të rëndë, ndërsa pacienti ndodhet në spital, jashtë rrezikut për jetën.
Për të njëjtin rast është në kërkim edhe vjehrri 61-vjeçar i të akuzuarit.
Gjithçka ka ndodhur mëngjesin e djeshëm, jashtë një picerie, ku dy palët e përfshira duket se janë zënë më herët.
Për motive të dobëta, 61-vjeçari ka debatuar me 40-vjeçarin dhe në momentin që po dilte nga dyqani e ka kapur nga krahu.
Ndërsa po përlesheshin fizikisht, ka ndërhyrë 34-vjeçari, i cili goditi tre herë me çekiç në kokë 40-vjeçarin.
34-vjeçari u arrestua menjëherë, ndërsa vjehrri u arratis.
Lini një Përgjigje