FLASH
Shkruar nga Pamfleti
Një 36-vjeçar shqiptar është arrestuar në Itali, pasi dyshohet se i ka vënë zjarrin banesës së ish-partneres së tij në qytetin Comiso, në provincën e Raguzës.
Sipas autoriteteve italiane, mësohet se ngjarja ka ndodhur disa ditë më parë në zonën “Corso Ho Chi Min”, ku i dyshuari mendohet se ka përdorur lëndë të ndezshme për t’i vënë flakën apartamentit pas një konflikti të radhës me ish-partneren.
Flakët kanë përfshirë plotësisht banesën saj, duke shkaktuar dëme të mëdha materiale, por pa u përhapur në ndërtesat përreth.
Si pasojë e zjarrit, të dy kanë mbetur të lënduar dhe janë transportuar në Spitalin “Guzzardi”, ku kanë marrë trajtim për djegie dhe helmim nga monoksidi i karbonit, por fatmirësisht ndodhen jashtë rrezikut për jetën.
Pas daljes nga spitali, 36-vjeçari është arrestuar dhe dërguar në burgun e Raguzës, ku po mbahet në dispozicion të drejtësisë. Dyshohet se ngjarja lidhet me konfliktet e vazhdueshme mes çiftit dhe ndarjen e fundit, të cilën ai nuk e kishte pranuar.
Lini një Përgjigje