FLASH
Shkruar nga Pamfleti
Sot në GJKKO është mbajtur seanca e radhës për dosjen “Plumbi i Artë”. Seanca u shty për shkak të mungesës së një prej të pandehurve të çështjes, Nuredin Dumani.
Avokati mbrojtës i të pandehurit Gentian Sharra, kërkoi prezencën e të penduarit të drejtësisë Dumani, me qëllim ballafaqimin e deklaratave mes palëve. Nuredin Dumani nuk ka qenë i pranishëm në seancat e fundit gjyqësore.
“Kërkojmë shoqërimin e detyrueshëm të bashkëpunëtorit të drejtësisë Nuredin Dumani, duke qenë se jemi në fazën e dhënies së deklarimeve nga ana e të pandehurit Henrik Hoxha. Në këtë mënyrë mund të bëhet ballafaqimi mes këtyre dy personave”, tha avokati Sokol Hazizaj.
SPAK e kundërshtoi këtë kërkesë me argumentin: Nuk jemi përballë kundërthënieve, në këto kushte kërkesa nuk qëndron. I kërkojmë gjykatës rrëzimin e saj.
Gjykata e Posaçme vlerësoi se nuk ndodhemi përpara kushteve ligjore për të bërë shoqërimin e detyrueshëm të bashkëpunëtorit të drejtësisë, megjithatë tha se do të shprehet më vonë lidhur me këtë kërkesë. Seanca e radhës u caktua më datë 3 shkurt në orën 10:00.
Lini një Përgjigje