FLASH
Shkruar nga Pamfleti
Një aksident ka ndodhur në Qafë-Thanë, pasi një autobot i mbushur me naftë është përmbysur në mes të rrugës.
Ai është përplasur me një automjet dhe si rrjedhojë është përmbysur autoboti, ndërsa vetura është përfshirë nga flakët.
Fatmirësisht raportohet se nga ky aksident nuk ka persona të lënduar, por vetëm dëme materiale. Përplasja ka shkaktuar vështirësi në qarkullimin e mjeteve.
"Rreth orës 16:00, në aksin rrugor Prrenjas-Qafë Thanë, shtetasi moldav A. B., duke drejtuar një autobot të ngarkuar me naftë, ka humbur kontrollin dhe për pasojë autoboti është përmbysur, duke shkaktuar rrjedhje të naftës në rrugë.
Automjeti tip "Hyundai", që drejtohej nga shtetasi D. V., duke kaluar në këtë rrugë, për shkak të nxehtësisë së gomave, ka marrë flakë. Shërbimet e Qarkullimit Rrugor dhe grupi hetimor ndodhen në vendngjarje, për menaxhimin e qarkullimit të automjeteve, si edhe vijon puna për përcaktimin e rrethanave të aksidentit dhe shkakun e marrjes flakë të automjetit Hyundai'", informoi policia e Elbasanit.
Lini një Përgjigje