FLASH
Shkruar nga Pamfleti
Një aksident i rëndë me pasojë vdekje ka ndodhur pak minuta më parë në aksin rrugor Fier-Seman, në vendin e njohur si Fermë-Çlirim.
Sipas informacioneve paraprake, raportohet se një automjet është përplasur me një biçikletë, duke shkaktuar pasoja fatale për drejtuesin e saj.
Si pasojë e përplasjes së fortë, drejtuesi i biçikletës, rreth 65 vjeç, ka humbur jetën në vendngjarje. Ndërkohë, automjeti i përfshirë në aksident ka përfunduar në kanalin anësor.
Në vendngjarje kanë mbërritur menjëherë tre ambulanca, shërbimet e policisë dhe grupi hetimor, të cilët po punojnë për të sqaruar shkaqet dhe rrethanat e aksidentit.
"Rreth orës 17:10, në aksin rrugor "Fier-Seman", shtetasi A. K., 31 vjeç, duke drejtuar automjetin është përfshirë në një aksident rrugor me biçiklistin, shtetasin B. Xh., rreth 65 vjeç.
Si pasojë e aksidentit ka ndërruar jetë në vendngjarje shtetasi B. Xh.
Shërbimet e Policisë kanë shoqëruar në ambientet e Komisariatit shtetasin A. K., për veprime të mëtejshme.
Grupi hetimor ndodhet në vendngjarje dhe po punon për sqarimin e plotë të rrethanave të aksidentit", njoftoi policia.
Lini një Përgjigje