FLASH
Shkruar nga Pamfleti
Viktima është identifikuar si Rexhep Ismaili, 66-vjeç...
Një atentat me armë zjarri ka tronditur qytetin e Sarandës mbrëmjen e sotme. Ngjarja ka ndodhur në zonën e Gjashtës, në Sarandë dhe viktimë ka mbetur pronar i një pike karburanti në zonë.
Viktima është identifikuar si Rexhep Ismaili, 66-vjeç, i cili rezulton gjtihashtu kryetar i shoqatës “Çamëria” dega Sarandë.
Sipas informacioneve të para, Ismaili mësohet se është qëlluar me armë zjarri dhe ka marrë një plumb në kokë, çka i ka shkaktuar vdekjen e menjëhershme. Viktima mendohet se ndodhej në ambientet e biznesit të tij në momentin e atentatit.
Sipas burimeve, nga dyshimet e para kanë qenë disa persona që janë përballur me viktimën dhe pasi janë konfliktuar fizikisht, njëri prej tyre ka qëlluar me armë zjarri, ndërsa plumbi e ka kapur në kokë 66-vjeçarin duke i marrë dhe jetën.
Ndërkohë që janë publikuar pamje nga vendi ku ndodhi atentati i mbrëmjes së sotme në Sarandë, në zonën e Gjashtës.
Rrethanat dhe shkaqet e ngjarjes mbeten ende të paqarta ndërkohë që në vendngjarje kanë mbërritur forca të shumta policie, të cilat kanë rrethuar zonën dhe kanë nisur hetimet për zbardhjen e plotë të rrethanave të ngjarjes dhe identifikimin e autorëve.
Lini një Përgjigje