FLASH
Shkruar nga Sokol Pepushaj
Nga erozioni i kohës po bie edhe “binari” i kalbur i bandave të Ballkanit...
Çdo shqiptar i ndershëm sot, pret momentin që Amerika të thotë: Edi Rama dhe Sali Berisha janë bashkë e duhen shkulur nga tavani i politikës dhe pasurive.
Në fakt, 1 nga kapot e 4 Klaneve Mafioze është zhdukur nga politika, kurse 3 të tjerët, kanë ngelur “varur” në gozhdë të akuzave të përditshme.
Njeriu i Neandertalit, i zhdukur 40 000 vjet më parë, ose sipas kalendarit të fshatit tonë, nga viti 2005 nuk shfaqet më, pasi e “hëngri” Edi Rama.
Nëse i duhet manualit të drejtësisë, do të flitet gjatë edhe mbi këtë emër që nuk u përshtat me ambientin e dy dekadave të fundit.
3 të tjerët, po i skërmitin dhëmbët njëri-tjetrit për të mos i rënë në “gojë” drejtësisë.
Likja, pasi ka fshehur floririn dhe shpërndarë pasuritë gjithandej, ka ngelë kacavjerrë në thumb të Non- Gratës, gati për ta shkulur SPAK-u.
Po Saliun kush e mban?
Një “gozhdë” e vetme, Edi Rama, që edhe ai për vete në një “gozhdë” mbahet.
Kjo do ishte ndihma më çmuar e Amerikës për shqiptarët, të çmontohej Edi Rama, se tjerët pastaj i shkulin vetë fshatarët.
Edhe pse në fillim të punës së ambasadores së përkohshme Nancy VanHorn, fundi i Sali Berishës dhe Edi Ramës po vjen me potere.
Fshati i vogël i hajdutëve të mëdhenj, ka filluar të shigjetojë me gisht gogolët që për herë të parë nuk i trembin më fëmijët.
Banorët e fshatit, “fëmijë” të para 32 viteve, sot janë ca baballarë e ca gjyshër, që as tremben e as gënjehen më.
E dinë se Babloku nuk ka “dhëmbë” të shqyejë, si në epokën kur Fatmir Xhafaj bënte ministrin e Brendshëm dhe vëllai i tij trafikant i dënuar në Itali kryente transportin me jashtë të drogës.
Nga erozioni i kohës po bie edhe “binari” i kalbur i bandave të Ballkanit.
“Gozhda” që e mban Edi Ramën “varur”, është Amerika, prej të cilës shqiptarët shpresojnë se do të shkulet./Pamfleti
Lini një Përgjigje