FLASH
Shkruar nga Pamfleti
Në një konferencë për shtyp, sekretarja për mediat e Shtëpisë së Bardhë, Karoline Leavitt, ka promovuar figurinë e ish-presidentit Donald Trump si një “President i Paqes”, duke theksuar se ai ka “ndjekur pa u lodhur paqen” që nga kthimi i tij në pushtet.
Gjatë konferencës, Leavitt u përqendrua edhe te kritikat ndaj mediave për mënyrën si kanë raportuar mbi përpjekjet e Trump, një shqetësim i shpeshtë i ekipit të tij.
Roli i SHBA-së në garancitë e sigurisë për Ukrainën
Një nga pyetjet e para që iu drejtua sekretarës për shtyp ishte lidhur me rolin që do të luajnë Shtetet e Bashkuara në ofrimin e garancive të sigurisë. Më herët, vetë Trump kishte deklaruar për Fox Neës se nuk do të kishte trupa amerikane në terren në Ukrainë.
Leavitt ripërsëriti këtë qëndrim, duke shtuar se “ne mund të ndihmojmë në koordinimin dhe ndoshta të ofrojmë mënyra të tjera për garancitë e sigurisë për aleatët tanë evropianë. Presidenti kupton se garancitë e sigurisë janë jashtëzakonisht të rëndësishme për të siguruar një paqe të qëndrueshme dhe ka udhëzuar ekipin e tij të sigurisë kombëtare të koordinohet me miqtë tanë në Evropë, dhe gjithashtu të vazhdojë bashkëpunimin dhe diskutimet me Ukrainën dhe Rusinë mbi këto çështje”.
Çfarë ka mësuar Trump nga Putin?
Leavitt u pyet gjithashtu se çfarë ka mësuar Trump nga presidenti rus Vladimir Putin, që mund ta bëjë të mendojë se ai është i gatshëm të angazhohet në një marrëveshje. Sekretarja nuk dha detaje konkrete, duke thënë thjesht se Trump “ka mësuar shumë”. Kur u shty për sqarime, ajo tha se gatishmëria e Moskës lidhet me “respektin” e Rusisë për fuqinë dhe ndikimin e Ëashingtonit.
Një tjetër temë që u ngrit ishte ndryshimi i pozicionit të Trump lidhur me takimin me Putinin. Para takimit, presidenti amerikan kishte propozuar një takim trilateral si hapin tjetër për arritjen e një marrëveshjeje paqeje. Megjithatë, më pas ai ndryshoi pozicionin duke thënë se takimi do të ishte fillimisht mes Rusisë dhe Ukrainës, e më pas një takim trilateral mes Putinit, Zelenskyy dhe vetë Trump.
Disa sugjerime të mediave lidhur me mundësinë që Trump të ketë u ndikuar nga Putini janë hedhur poshtë nga sekretarja Leavitt. Ajo tha se “Presidenti ka biseduar me të dy liderët, dhe të dy kanë shprehur gatishmërinë për të u ulur dhe biseduar me njëri-tjetrin. Ekipi ynë i sigurisë kombëtare do t’i ndihmojë të dy vendet për këtë. Në fund të fundit, presidenti gjithmonë ka thënë se ka fusha të mosmarrëveshjesh në këtë luftë që duhet të diskutohen dhe vendosen nga këto dy vende. Ai dëshiron që këto dy vende të angazhohen në diplomaci direkte.”
Leavitt shtoi gjithashtu se ideja e takimit bilateral “e zhvilluar gjatë diskutimeve” dhe nuk specifikoi se kush e propozoi atë, duke lënë të kuptohet se ishte rezultat i koordinimeve të vazhdueshme mes të tre palëve.
Ky zhvillim vjen ndërsa bota ndjek me vëmendje çdo lëvizje të administratës amerikane dhe përpjekjet e saj për të gjetur një zgjidhje diplomatike në konfliktin Ukrainë-Rusi. Shtëpia e Bardhë ka theksuar se qëllimi i Trump mbetet krijimi i kushteve për një paqe të qëndrueshme, duke mos vendosur trupa amerikane në terren, por duke ofruar mbështetje diplomatike dhe garanci sigurie për partnerët ndërkombëtarë. /Pamfleti
Lini një Përgjigje