FLASH
Shkruar nga Pamfleti
Çifti presidencial amerikan, Donald dhe Melania Trump, pritën në Shtëpinë e Bardhë çiftin mbretëror britanik, Mbretin Charles dhe Mbretëreshën Camilla, në ditën e parë të vizitës së tyre zyrtare katërditore në Shtetet e Bashkuara.
Sipas programit, ceremonia e pritjes u zhvillua në orën 16:15 me kohën lokale në portikun jugor të Shtëpisë së Bardhë. Pas ceremonisë, dy çiftet zhvilluan një takim informal duke pirë çaj në “Green Room”.
Më pas, ishte planifikuar një shëtitje e shkurtër në kopshtet e Shtëpisë së Bardhë, ku ata panë edhe kosheret e bletëve të vendosura së fundmi në ambientet e rezidencës presidenciale.
Programi i ditës së hënë përfshin një pritje në kopshtin e Shtëpisë së Bardhë.
Ndërkohë, nga e marta, Mbretit Charles dhe Presidentit Trump do t’i bashkohen një sërë aktivitetesh zyrtare, përfshirë një paradë ushtarake në Shtëpinë e Bardhë. Mbreti Charles pritet gjithashtu të mbajë një fjalim në Kongres dhe të marrë pjesë në një darkë shtetërore së bashku me presidentin amerikan.
Lini një Përgjigje