FLASH
Shkruar nga Pamfleti
Komandanti i Përgjithshëm i Ushtrisë Ukrainase, Oleksandr Syrsky, pranoi sot se forcat ruse po intensifikojnë presionin në veri të Donetskut, veçanërisht në drejtim të Pokrovsk, Dobropillya dhe Novopavlovsk, si dhe në aksin e Lymanit. Ai vizitoi njësitë luftarake në terren dhe theksoi se trupat ukrainase po zhvillojnë “beteja të rënda mbrojtëse” kundër forcave dominuese ruse, duke i sprapsur sulmet dhe duke kryer edhe kundërsulme të kufizuara.
Ndërkohë, një sulm ajror rus në qytetin Kostiantynivka shkaktoi të paktën tre të vrarë dhe katër të plagosur, sipas guvernatorit rajonal Vadym Filashkin, i cili raportoi se Rusia hodhi tetë raketa “Smerch” mbi qytet, duke goditur edhe një treg. Sipas AFP, shifrat e viktimave janë më të larta, me të paktën gjashtë civilë të vrarë në sulmet e sotme në Ukrainën lindore dhe jugore.
Kriza po prek edhe fqinjët e Ukrainës. Në Poloninë lindore, një dron rus Shahed shpërtheu gjatë natës në një fushë me misër, duke provokuar një reagim të ashpër nga Varshava. Ministri i Jashtëm polak, Radoslaë Sikorski, e quajti incidentin “një tjetër provokim nga Moska”, ndërsa Ministri i Mbrojtjes Ëladyslaë Kosiniak-Kamysz paralajmëroi se Rusia po teston NATO-n me shkelje të përsëritura në hapësirat ajrore të Rumanisë, Lituanisë dhe Letonisë.
Varshava ka njoftuar se do të dërgojë një protestë zyrtare diplomatike, duke e konsideruar incidentin një kërcënim serioz për sigurinë e vendeve të NATO-s, në një moment kur në skenën ndërkombëtare po zhvillohen diskutime për paqen.
Lini një Përgjigje